Өткен жұмада, яғни, шілде айының 19-ы күні ала шапанды ағайынды халық мүфтиятының ұйғарымымен ел аумағындағы барлық мешітте жануарларды қорғау тақырыбында уағыз айтылды. Қоршаған ортаны қорғау, табиғатты аялау, құрып бара жатқан жануарлар популяциясын сақтау, т.б. секілді бүгінгі таңда ең өзекті мәселеге айналған тақырыпта толғанған өзбек имамдары, соның ішінде, ауылдық жерлерде кейінгі кезде кеңінен тараған ит пен әтеш төбелесіне наразылық білдірді. Өзбек имамдарының бұл бастамасына аталған елдегі жануарларды қорғаумен айналысатын Mehr va Oqibat үкіметтік әрі коммерциялық емес ұйымы қолдау білдірді.