Германияның Лейпциг (Саксония) қаласындағы балалар бақшасында бұдан былай құрамында доңыз еті бар шұжық, тартылған еттен жасалған тағамдар, т.б. берілмейтін болды. Аталмыш қаладағы балабақша басшылары мұндай қадамға қоғамның өзгеруіне байланысты барып отырғандарын мәлімдеді. Жаңа ереже тек астың белгілі бір бөлігіне ғана емес, сонымен қатар, тәттілерге де қатысты қолданылады. Атап айтқанда, құрамында желатин кездесетін тәттілер балабақшадағы балаларға берілмейтін болды. Мәселен, аталған ел аумағында кең тараған Gummibärchen мармелады ендігі жерде балабақшаның ас мәзірінен алынып тасталады.