Саудия билігі қасиетті Мекке қаласындағы Харам мешітіне біліктілігі жоғары 100 ғалымнан жасақталған топты кезекшілікке тұрғызады. Бұл жайында islam.kz порталы ArabNews ақпарат көзіне сілтеме жасай отырып мәлім етеді. Олардың арасында шариғи қазылар, саудиялық жоғарғы оқу орнының оқытушылары бар. Ғалымдар аталған мешіт аумағында қажылардың кез келген сауалына (телефон арқылы, жүздесу арқылы) жауап береді. Олар ауысым бойынша жұмыс істейтіндіктен тәулік бойы кеңес беру қызметі тоқтатылмайды. Олардан бөлек, аррабша, ағылшынша, түрікше, парсыша, қытайша, орысша, малайша, бегналша, хаусша, яғни, 11 тіл білетін роботтар да қажылардың сауалына жауап беретін болады.