Еуроодақ пен Түркияның мигранттар мәселесіндегі келісіміне қарсы болған екі жүзге жуық босқын Лесбос аралындағы Митилена қаласында ереуілге шықты.  Арып-ашып Лесбос аралдарына әрең жеткен олар Еуроодақ аймағынан қайта шығару операциясының тоқтатылғанын талап еткен. Осы бір күннің өзінде мұндағы 52 адамды еліне қайта жөнелту үшін Кавала қаласына алып кеткен.  Еске сала кетейік, 20 наурыздан бастап Еуроодақ пен Түркия мигранттар көші-қон мәселесінде келісімге келген болатын. Ондағы ереже бойынша, Кәрі құрлықта заңсыз жүрген босқындар Түркияға шығарылып, ал босқын мәртебесіне лайықты сириялықтар Еуропаға жөнелтілуге тиіс.