Таяуда Мысырда ел естімеген оқиға орын алды: әл-Файюм қаласында 80 есектің өлігі табылды. Бұл өз кезегінде қоғамда кәдімгідей дүмпу тудырды. Мысыр сарапшы бұл есектерді қолында билігі жоқ, басымен қайғы боп жүрген «Мұсылман бауырлар» ассоциациясынан көріп, оларды жазықты етіп шығарды. Артынан белгілі болғандай, есектерді сиыр еті қып көрсетіп, сату мақсатында өлтірілгені анықталды. Мысырдың орталық «әл-Асима» деп аталатын телеарнасының эфирінен Азми Мүжаһед есімді тележүргізуші әрі саяси сарапшы жерден жеті қоян тапқандай есектердің өлімін «Мұсылман бауырларға» жаба салған еді. Жала жапқанымен қоймай, оларға өлім жазасын қолдануды талап етті. «Есектер сияқты өлтіру керек» деп мәлімдеді.