Африка құрлығының шығысында орын тепкен, жағалауын Тынық мұхитының суы шайып жатқан ел – Сомали билігі он жылға өзінің аумағындағы суды Түркияның бақылауына берді. Бұл жайында islam.kz порталы өз кезегінде Anadolu ақпарат агенттігіне жөн сілтеген IslamNews сайтына сілтеме жасай отырып мәлім етеді. Аталған екі ел арасындағы келісімге сәйкес түрік әскерилері Сомалидің су кеңістігін күзететін болады. Бұдан бөлек, екі ел терроризмге, қарақшылыққа және өзге де қауіп-қатерге қарсы бірігіп тойтарыс береді. Бұған қоса, түрік мамандары сомалилік әріптестеріне теңіз ресурстарын игеруге көмектеседі. Сомали билігі осы он жыл ішінде сыртқы жаудан қорғануға мүмкіндік беретін өзінің әскери-теңіз күштерін қалыптастыруға үміт артып отыр.