Саудиялықтар жойқын зілзаладан зардап шеккен Түркия мен Сирия тұрғындары үшін бір тәулікке жетпейтін уақытта 100 млн риалдан аса (24 млн доллардан асады) қаражат жинады. Бұл жайында islam.kz порталы өз кезегінде тиісті дерек жарияланған Sahem онлайн-платформасына (тікелей садақаны енгізетін қолданба) жөн сілтеген ТАСС ақпарат агенттігіне сілтеме жасай отырып мәлім етеді. Аталмыш қайырымдылық науқанына 341 мыңнан аса адам атсалысқан. Бұл қайырымдылық шарасын 2015 жылы әлем бойынша мұқтаж жандарға қолұшын созу үшін құрылған корол Салман атындағы гуманитарлық жәрдем орталығы ұйымдастырған екен.