Лондон мегаполисінде орын тепкен Ayaan Institute зерттеу ұйымының келтірген мәліметке қарағанда, британдық мұсылмандар осы елдегі ең жомарт діни топ болып шықты. Бұл жайында islam.kz порталы өз кезегінде IQNA дерек көзіне жөн сілтеген  IslamNews ақпарат көзіне сілтеме жасай отырып мәлім етеді. «Үмметке жәрдем: Ұлыбританиядағы мұсылмандардың қайырымдылық секторын сараптау» деп аталатын есепте аталған елдегі мұсылмандар қайырымдылыққа жыл сайын 1 млрд фунт қаржы аударатынын белгілі болды. 2050 жылға қарай мұсылман қауымының садақа мөлшері жылына шамамен 4 миллиард фунт стерлингке жетуі мүмкін.