Өткен жылы Испания тұрғындары 1,339 миллион келі тағамды қоқысқа тастаған. Бұл жайында испандардың El País жаңалықтар қызметі хабар таратты. Өткен жылғы көрсеткіш оның алдындағы жылмен салыстырғанда 8,9%-ға артқан. 2015 жылы аталған ел Біріккен Ұлттар Ұйымының тағам қалдықтарын 2030 жылға дейін екі есе азайту, яғни, ысырапшылдықты болдырмау міндеті қарастырылған тұрақты даму бағдарламасына қосылғанына қарамастан. Испанияның ауыл шаруашылығы министрлігі келтірген дерекке қарағанда, тағам қалдықтары ең көп тасталатын жыл мезгілі - жаз. Ауа температурасының жоғары болуына байланысты тағамның бұзылу қатері артатын ыстық мезгілде бұл қалыпты құбылыс саналғанымен бұл бағыттағы көрсеткіш тым жоғары болып тұр.