БҰҰ мәліметтеріне сүйенсек, ашаршылық әлем бойынша үшінші жыл қатарынан белең алып келеді, - деп хабарлайды Tengrinews.kz тілшісі Reuters агенттігіне сілтеме жасап.

Оған әлемде қақтығыстардың көбейіп, климаттың ауысуы себеп екені айтылады.

Агенттіктің мәліметінше, әлемдегі тоғыз тұрғынның бірі ашаршылыққа ұшыраған. Ал 2017 жылы ашаршылыққа ұшырағандардың саны 821 миллион адамға жеткен.

Сондай-ақ, БҰҰ мәліметінше, 51 елдегі 124 миллион адам аштықтан зардап шеккен. Save the Children халықаралық ұйымының өкілдері өз кезегінде 2018 жылдың соңына 600 мың баланың аштықтан қайтыс болуы мүмкін екенін айтады.

Сарапшылардың айтуынша, аштық көрсеткішінің деңгейін төмендету үшін кедейлікпен күресу қажет.