Біріккен Ұлттар Ұйымының Бас хатшысы Пан Ги Мун Сауд Арабиясы бастаған одақтас елдерді бала құқықтарын бұзған мемлекеттердің «қара тізіміне» енгізді. Себебі, осы коалиция әрекетінің кесірінен Йемендегі әскери ұрыстарда жасөспірімдер көктей солған. «Йеменде қақтығысып жатқан тараптар - жергілікті хуситтер тобы мен Сауд Арабиясы бастаған коалиция адамдарды өлтіргені және жаралағаны, сондай-ақ, мектептер мен ауруханаларға шабуыл жасағаны үшін осы тізімге ілікті», - деп мәлімдеді Пан Ги Мун.  БҰҰ мәліметінше, коалиция 510 баланың өліміне кінәлі, бұл көрсеткіш осындағы қарулы қақтығыс кезінде көз жұмған балалардың 60%-ын құрайды. Сондай-ақ,  коалиция әрекетінен 667 жараланған.