Біріккен Араб Әмірліктерінің президенті, шейх Мұхаммед бен Зайыт әл Нақиан қасиетті Құрбан айт қарсаңында мыңға тарта жазасын өтеушіге, дәлірегі, түзету мекемелеріндегі 988 тұтқынға рақымшылық жариялады. Бұл жайында islam.kz порталы islam-today ақпарат көзіне сілтеме жасай отырып мәлім етеді. Сөз орайы келгенде аталған араб елінде жазасын өтеп жатқандарға жылына екі мәрте рақымшылық жарияланатынын айта кету керек – қасиетті Рамазан айында және Құрбан айтта. Биылғы Рамазанда бұл елде 1025 тұтқынға рақымшылық жарияланып, бостандыққа шығарылған болатын. Рақымшылық ауыр қылмыс жасамағандарға ғана жарияланады.