Республикалық партия атынан сайланған Клейа Йарборо есімді сенатордың бастамасымен Флорида штатында балалардың жынысын ауыстыру операциясына және гормондық терапияға тыйым салынды. Бұл жайында islam.kz порталы Politico мерзімді басылымына сілтеме жасай отырып мәлім етеді. «Біз балалардың бала болуына мүмкіндік беруіміз керек, ал біздің заңдарымыз тиісті шекараларды белгілеуі керек», деп мәлімдеді ол. Сондай-ақ, сенатор ұсынған заң жобасында мемлекеттік және жекеменшік денсаулық сақтау ұйымдарына, сондай-ақ, мемлекеттік бюджеттен сақтандыру компанияларына 18 жасқа толмаған адамдарға аталған медициналық процедураларды қолдануға тыйым салынғаны атап өтілді.