Америка құрама штаттары аумағындағы үйсіз-күйсіздер қарасы 770 мың адамнан асып кеткен. Бұл жайында islam.kz порталы өз кезегінде АҚШ-тың тұрғын үй құрылысы және қалалық даму министрлігі келтірген дерекке жөн сілтеген Bloomberg агенттігіне сілтеме жасай отырып мәлім етеді. 2024 жылдың қаңтар айында бұл көрсеткіш өткен жылғы кезеңмен салыстырғанда 18 пайызға өскені нақтыланды. Бұл рекордтық көрсеткіш. Сонымен қатар, балалары бар отбасылардағы баспанасыздар саны 39 пайызға артып кеткен. Бұл үрдiс арзан баспана тапшылығынан, инфляциядан, жалақының тоқыраған өсуiнен туындап отыр.