Иранның Aseman Airlines әуе компаниясы тек бірыңғай әйелдерден әуе қатынасын жүзеге асырды. Бұл жайында islam.kz порталы IRNA.IR ақпарат көзіне сілтеме жасай отырып мәлім етеді. Нақтырақ әрі тарқатып айтқанда, Иранның солтүстік-шығысындағы жергілікті халық үшін қасиетті саналатын Мешхед қаласына ұшып келген лайнерді Иранның тұңғыш ұшқыш әйелі Шахрзад Шамс басқарған. Ал ұшақ бортында 110 әйел жолаушы болған. Бұл әуе қатынасы желтоқсан айының 22-і күні – Ирандағы Аналар күніне орай жүзеге асырылған. Бұл күн Пайғамбарымыздың (ﷺ) қызы Фатима әз Зәхраның құрметіне белгіленген.