Әлем бойынша бұқаралық ақпарат құралдарының бостандығын шектеу рекордтық деңгейге жеткен. Бұл жайында «Шекараны білмейтін репортер» халықаралық ұйымы сарапшылары мәлім етті. Аталған ұйым сарапшылары сөз бостандығына қатысты мемлекеттер тізімін түзген екен. Бұл жолы «қара тізімге» 21 ел енген. Бұл көрсеткіш – рекордтық деңгей. Өйткені, бұрын-соңды сөз бостандығына шектеу қойған елдердің қатары мұндай көрсеткішке жеткен емес. Аталмыш тізімнің басында Корей халық демократиялық республикасы тұр. Одан кейінгі орынға Түркіменстан мен Эритерия жайғасқан. Сондай-ақ, Иран, Ирак, Қытай, Әзірбайжан, Өзбекстан да алғашқы ондыққа кірген. Ал сөз бостандығы алдыңғы қатардан көрінген елдер: Норвегия, Швеция, Нидерланды және Финляндия.