Теһран қаласындағы метрода хижабсыз жүргені үшін полиция ұстаған 16 жастағы бойжеткен комаға түсті. Бұл жайында islam.kz порталы Islam-Today сайтына сілтеме жасай отырып мәлім етеді. Иран-күрдтік Hengaw құқық қорғау ұйымының дерегінше, Армита Герабанд есімді бойжеткен қазан айының 1-і күні метрода полиция тарапынан күш қолданылғаннан кейін әскери емханаға жеткізілген. Құқық қорғаушылардың айтуынша, оның халі қазіргі уақытта мүшкіл. Иранның IRNA мемлекеттік агенттігі Теһран метросындағы таспаға тартылып қалған бұл көріністі жариялаған екен. Дегенмен, таспаға тартылған көріністің шынайылығын тексеру мүмкін болмай тұр. Бойжеткен полицияның дөрекі әрекетінен кейін есінен танып қалған.