Ресей Федерациясының мемлекеттік думасының депутаттары 16 жасқа толмаған балалары бар жалғызбасты әкелерді жұмыстан қууға тыйым салу қарастырылған заң жобасын үшінші оқылымда қабылдады. Бұл жайында islam.kz порталы kommersant.ru ақпарат көзіне сілтеме жасай отырып мәлім етеді. Бұрыңғы заң талаптары бойынша жасы 14-ке толмаған балалары бар әкелереді жұмыстан қууға немесе шеттетуге тыйым салынған еді. Аталмыш түзету Еңбек кодексіне енгізіледі. Бұл бастама авторларының айтуынша, негізгі білімді балалар 16 жасқа дейін алатындықтан оны тәрбиелейтін тұлғалар мемлекет тарапынан қосымша қолдауға мұқтаж келеді.