Ассаламуғалейкум! Төрт жасар жылкыны екі жасар екі тайга ауыстыруға бола ма?? Ұласқан
|
Төрт жасар жылқыны екі тайға айырбастау өсімге (риба) жата ма?
|
Уағалейкумуссәләм уә рахматуллаһи уә бәракәтуһ!
Төрт түлік малдар «өсімге кіретін заттар» қатарына жатпайды. Сол себепті, төрт жасар жылқыны, екі жасар екі тайға, бір сиырды екі-үш танаға яки бұзауға айырбас жасай беруге болады. Тек, айырбас араға уақыт салмай, қолма-қол болуы шарт (мысалы, келісімге қарай дөнен не биені бүгін алып, екі тайды бір аптадан соң әкеліп берем деп араға уақыт салуға болмайды). Олай болмаған жағдайда, «несие өсімін» тудыратындықтан шариғатқа қайшы. Бұл - Ханафи мәзхабы бойынша.
Ал, Шафиғи мәзхабы бойынша, хайуанды хайуанмен айырбас жасарда «қолма-қолдық» шарт емес.
Және айта кету керек, келісім – түсініспеушілік тудырмайтындай анық-айқын болуы керек.
Шариғатта өсімді екі түрге бөліп қарастырады. Біріншісі, «рибан нәсия» - несие пайызы. Екіншісі, «рибаль фадл» - таразыға тартылатын бір сортты заттарды айырбас жасарда бірі екіншісінен артық болу (мөлшері).
Өзекті сұрақтар
Көп оқылғандар
■
Қасқырдың терісін неге іледі? Үйге аңның терісін ілуге бола ма?
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
