Әлхамдулиллә. Уассаләту уәссәләму аля Расулиллә.

Уағалейкумуссәләм уә рахматуллаһи уә бәракәтуһ!

Ханафи мәзхабының фиқһи ережелері бойынша «шырша» ағашы мен «отшашулар» сатылуға жарамды заттар қатарынан саналады (әлмәлульмүтәқәюм). Сондықтан да, шырша мен отшашуларды сатқан адамның саудасы «дұрыс сауда» үкімінде болады. Алайда, жаңа жыл тойлау үшін сатылатындықтан «мәкруһ сауда» болады. 

Мәкруһ сауда дегеніміз, сауданың рүкні жөнінен де, сипат жөнінен де шариғатқа сай, алайда жанама бір тыйымның салдарынан сауда «мәкруһ сауда» үкімін алған. Мысалы, жұманың азаны айтылып жатқанда жасалатын сауда немесе өзгенің келісіп қойған саудасын бұзу, т.б. мәкруһ сауда түрінен¹.

¹Ханафи мәзхабында саудалар: сахих, батыл, фәсид, мәкруһ және мәуқуф болып бөлінеді.