Уағалейкум әссәләм, Аслан! Кейбір фиқһ мамандары сіздің сұрағыңызға былай деп жауап берген:

• «Әлдекім өз иелігіндегі харам дүниесін берген болса, оны алу – күнә емес, өйткені, қағида бойынша: Харам - екі борыштарлыққа өтпейді делінген[1]. Әйтсе де, одан алмағаныңыз абзал. Және мынаны ұмытпау керек: Осы мақсатта (сізге қарыз беруі үшін) досыңызды несие алуға итермелеуден аулақ болыңыз. Ол - күнә».  [Кувейт еліндегі пәтуә шығару ұйымының мүшесі профессор, доктор Ахмад Хаджи әл-Курди.].

ЕСКЕРТУ: Ертеректе Ханафи ғалымдары жоғарыда айтып өткен қағиданы (Харам - екі борыштарлыққа өтпейді) түсіндіру барысында мына нәрсені ескертіп өтеді: «Бұл қағида - ақшаның харам жолмен келгенін білмейтін кісіге қатысты. Ал, мысалы, кімде-кім, салық жинаушының жиналған салықтан жымқырып беріп отырғанын білген болса, одан алуы – харам...»[2]. Осы ескертуге сәйкес жоғарыдағы ғалымның сөзіне қосымша мынаны айта кетелік, ең абзалы - аса қажетсініп тұрған болсаңыз ғана досыңыздың несиеден алған ақшасынан қарыз алыңыз. Аса қажеттілік болмаса, алмаған жақсы. Ең дұрысы – Аллаға мәлім!