Әссәләмуғалейкум! Дұға тілектер қабыл болсын. Зекетке қатысты бір сұрақ болып тұр. Мысалы, біреудің зауыды болса. Ол табыс әкелмесе де зекетін жылда беріп тұра ма? Былайша айтқанда, иелігінде құнды дүниесі болады. Сол дүниесінің табыс әкелуі, не әкелмеуі зекетке қаншалықты әсері бар? Мынандай пікір айтылды: Исламда оны істету керек. Әйтпесе, сату керек деп. Құдайберді.
|
Табыс әкелмей құр тұрған зауыттан зекет беріле ме?
|
Уағалейкумуссәләм уә рахматуллаһи уә бәракәтуһ!
1965 жылы «Мұсылман ғұламалар кеңесі» қабыл еткен қаулы бойынша, жалға берілетін ғимараттар мен зауыт-фабрикалардың, кеме мен ұшақтардың (т.б. осы сияқты табыс салаларының) өздерінен емес, олардан түскен «таза табыстан» зекет беру парыз. Әрине егер нисаб шарттары табылып[1], арадан бір жыл өткен болса... Берілетін зекет мөлшері – жыл соңында таза табыстың қырықта бірі (2,5%)[2].
Бүкіл әлемдік фиқһ ұйымының қабылдаған қаулысында да осы айтылған[3].
Осыған орай, еш табыс әкелмей тоқтап тұрған зауыттың құр өзінен зекет берілмейді. Сондай-ақ, зауыт жұмыс істеп тұрған күннің өзінде түскен пайдасы шығыннан артылмай жатса да зекет беру міндет емес.
Ең дұрысы - Аллаға мәлім!
[1] Яғни, ең кемі 85 грамм алтыңға тең келі, негізгі қажеттілігінен артылған болу, шығындары шегерілу т.б.
[2] Проф.Доктор У.Зухайли: әл-Фиһқуль Исләми уә әдилләтуһу. 2/865 бет.
[3] Ислам фиқһ ұйымының 1985 жылғы 2-ші кезекті отырысы. Жидда.
Өзекті сұрақтар
Көп оқылғандар
■
Қасқырдың терісін неге іледі? Үйге аңның терісін ілуге бола ма?
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
