Кей Ханафи ғалымдар үй алу үшін жинап жатқан ақшадан зекет берілмейді деген. Өйткені, үй негізгі қажеттілік болып саналады, ал негізгі (асли) қажеттіліктерге арналған ақша жоққа есеп (кей ғалымдар зекеті беріледі дейді). Осыған орай, үйді жөндеу жұмыстарына (ремонт) жиналған ақшаны екі жөннен қараған абзал деген ойдамыз:

1. Жөндеуді қажет етпейтін үйді (чистовой) жаңалау үшін жиналған ақша: егер «нисабқа» жетіп тұрса, зекетін бергені жөн. Әрине, мұнда да қарыздарды шегеру т.б. деген сияқты жеңілдіктер назарға алынады.
2. Жөндеуді қажет ететін (черновой) үйді жөндеуге жиналған ақша: зекеті берілмейді. Өйткені, ремонты жоқ үй туруға қолайсыз, ондай үй қажеттілікті тиісінше қамтамасыз етпейді, сәйкесінше оған жиналған ақшадан зекет бермесе болады.

Ең дұрысы – Аллаға мәлім! Әлхамдулилләһи Раббиль аләмин!