Әссәләмуғалейкум уә рахматуллаһи уә бәракәтуһ! Менің сұрайын дегенім, ораза кәффаратын (яғни, 60 күн ораза) ұстап жүрген адам ауырған жағдайдағы үкімін айтсаңыз.
|
Кәффарат оразасын өтеп жатқан кісі сырқаттанып аузын ашып жіберсе, қайта басынан бастай ма?
|
Уағалейкумәссәләм уә рахматуллаһи уә бәракәтуһ!
Бұл мәселеде Ислам ғұламалары арасында екі ұдай пәтуа бар деуге болады. Ханафи мәзхабы бойынша, Рамазанда тұтқан оразасын себепсіз әдейі бұзғаны үшін 60 күн кәфарат оразасын ұстап жатқан кісі сырқаттық себепті аузын ашып жіберсе, онысын қайта басынан бастап ұстайды. Өйткені кәфарат оразасында үзбей ұстау шарт. Бұл – өзге мәзхаб ғұламаларының да басым көпшілігіңін пікірі.
Бірақ, Ханбали мәзхабында сырқаттық немесе жолаушылық сияқты шариғи үзірлер себепті кәффарат оразасын ашып жіберсе, онысын қайта бастамайды, тоқтаған жерден жалғастырып кете береді[1].
Ораза кәфәраты жайында қосымша мәлімет алғыңыз келсе, мына сілтемені оқыңыз: http://islam.kz/kk/questions/qulshylyq/oraza/oraza-kafaratyna-qatysty-malimetter-195/#gsc.tab=0
[1] Абдуррахман әл-Жузайри: әл-Фиқһ ъяляль Мәзәһибиль арбаъа.
Өзекті сұрақтар
■
«Намаз мені тастап кетті» деген сөздің негізі бар ма? Намаз адамды тастай ма?
■
Түйенің зәрін ішудің үкімі қандай?
■
Бием қатты ауырып тұр. Қандай дұға оқыса болады?
■
Бала болдырмас үшін ер адамның ұрық шығатын түтігін бітеп тастауға, яғни, "вазэктомия" жасатуға бола ма?
■
«Фатализм» түсінігі Исламға сай ма?
