Бұрынғы Рамазан айларында әдейі бұзған оразаларым бар. Солардың әрбіріне кәффәрат өтеуім керек пе?
Бұрынғы Рамазан айларында әдейі бұзған оразаларым бар. Солардың әрбіріне кәффәрат өтеуім керек пе?
13 күн бұрын 1482

Ассаләмуғалейкум! Бұрынғы Рамазан айларында ораза ұстап жүріп, әдейі бұзған күндерім бар. Солардың бәрін есептеп қарасам: әрқайсысына мың күндей кәффарат оразасын ұстауым керек екен. Кәффарат ұстауым міндетті ме, әлде басқалай жеңілдігі бар ма? Анон.

Ханафи ғалымдарының тоқтамы бойынша, бірнеше Рамазан айларындағы себепсіз бұзған оразалары үшін бір кәффәрат өтесе жеткілікті. Бұл жайында Ханафи ғалымы Имам Шүрунбүләли былай деп айтады:

«Ораза күндерінде орын алған төсек жақындығы үшін және бірнеше рет әдейі ішіп-жегені үшін, бір рет кәффарат өтесе жеткілікті, егер арасында кәффарат кірмеген болса. Тіпті, екі Рамазан айында орын алған болса да (бір кәффарат жеткілікті). Дұрысы осы»[1].

Бірақ кәффәрат өтеп болғаннан соң, қайта оразасын себепсіз әдейі бұзса, ол үшін бөлек кәффәрат өтеуі тиіс, алдыңғы өтеген кәффәраты кейінгісіне жүрмейді[2].


[1] Имам Шүрүнбүләлі: Имдәт. 652 бет.
[2] Ömer Nasûhî Bilmen: Büyük İslâm İlmihâli. 291 бет.

Абдусамат Қасым