Әссәләмуғалейкум! Намаздың ең соңғы рәкәғатында «әт-тахияту» дұғасын екі рет қайталап қойсаң, қалай болады? Не істеу керек? Динара.
|
Намаздың соңғы отырысында "тәшәһһуд" дұғасын екі рет қайталап оқыса, сәһу сәждесін жасау керек пе?
|
Уағалейкумәссәләм уә рахматуллаһи уә бәракәтуһ!
Намаздың соңғы отырысында «тәшәһһуд» дұғасы екі рет қайталанып оқылған жағдайда намаз дұрыс. «Сәһу сәждесін» жасау қажет емес. Ал, алғашқы отырыста екі рет оқылған болса, одан кейінгі қиямға тұру парызын кешіктіргені себепті намаз соңында сәһу сәждесін жасау керек. Бұл жайында «Фәтәуәль Һиндия» атты Ханафи фиқһ кітабында былай делінген:
«Алғашқы отырыста «тәшәһһуд» дұғасын қайталап оқыса, сәһу сәждесін жасау керек. Және (алғашқы отырыста) одан кейін «салауат» оқыған болса да (үкім) солай. Ал, соңғы отырыста қайталап оқыған жағдайда сәһу сәждесі қажет емес»[1]
[1] Фәтәуәль Һиндия – 1/141-142 бет.; Ибн Нүжейм: Бахрур Раиқ
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
