Сахаба Әбу Һурайрадан жеткен бір хадисте Пайғамбарымыз (с.а.у.) былай деген: «Кімде-кім бір рәкәғатқа үлгерер болса, толық намазға үлгергенге есептеледі»[1].

Ендеше, бесін намазының парызын оқып жатқан тұста екінтінің уақыты кірген жағдайда бастаған намазыңыздың қалған рәкәғаттарын тәмәмдайсыз. Уақыт шықпай жатып парызына бастап үлгергендіктен, ол намаз уақтылы оқылғанға есептеледі. Қайта қазасын өтеудің қажеті жоқ. Әйткенмен де, себепсіз намазды осылайша кешіктіріп оқудың мәкруһ болатындығын ұмытпаған жөн.