Әс сәләму әләйкум уә рахматуллаһи уә бәракәтуһ! Протез тіспен жүрген адам мисуак қолданса, сүннетті орындаған бола ма? Яғни өз тісін тазалағандай сауап ала ма? Марфуға.
|
Протез тісі бар адам мисуак қолданса, сауабы бола ма?
|
Уағалейкумуссәләм уә рахматуллаһи уә бәракәтуһ!
Пайғамбарымыз Мұхаммед (саллаллаһу алейһи уә сәлләм) мисуак жайында былай деген:
السِّواكُ مَطهَرةٌ للفمِ مَرضاةٌ للرَّبِّ
«Мисуәк – ауызды тазалаушы, әрі Құдайға жағымды»[1].
Осы хадисте Пайғамбарымыз «ауызды тазалаушы» дей келе, барлық тістерді ішіне қамтып тұр: мейлі жасанды тіс болсын, мейлі табиғи тіс болсын. Сондықтан да, мисуак қолданғаны үшін сауап алады. Өйткені, мисуакты қолданудағы мақсат – ауыз қуысын тазалау. Аузы таза болғанға, Алла да риза.
Оның үстіне мисуакты қолдану – сүннет амалды орындау деген сөз. Сүннетті орындаған адамға да өз алдына сауап бар.
[1] Имам Нәсәи, (5). Айша анамыздан жеткен. Сахих.
Көп оқылғандар
■
ИСА ПАЙҒАМБАРДЫҢ (Ғ.С.) КӨКТЕН ЖЕРГЕ ТҮСКЕННЕН СОҢ ҮЙЛЕНЕТІНІ РАС ПА?
■
Мархұмның жылын өткізу үшін кредит алса бола ма, басқа амалы болмай жатыр?
■
Мархұмның атынан қажылықты өтесем, мархұмның мойнынан қажылық парызы түсе ме?
■
Балдақпен жүретін кісіге жұмаға бару парыз ба?
■
«Түсімде үнемі мас болып жүремін»: түсінде шарап ішкенін көрсе, ол ненің белгісі?
