Уағалейкумәссәләм уә рахматуллаһи уә бәракәтуһ!

Хадистерге қарағанда, Алла елшісінің (с.а.у.) кіші дәретті көбінесе отырып сындырғандығын байқауға болады. Тіпті Айша анамыз: «Кімде кім сендерге Пайғамбардың тұрып дәрет сындырғанын айтып хадис жеткізсе, оған сенбеңдер. Ол (с.а.у.) тек отырып дәрет сындыратын», - деген[1]. Сондықтан да, Исламдағы әжетхана мәдениеті бойынша, кіші дәретке барған мұсылман әжетін отырып өтейді.

Алайда, Пайғамбарымыздың (с.а.у.) сирек болса да кіші дәретті тұрып сындырғандығы сахих хадистерде айтылады[2]. Мұнысын Ислам ғұламалары түрлі себептермен байланыстырған. Мысалы, тізесінің ауырғандығымен байланыстырса, кейбір ғұламалар отыруға жайсыз жер болғандықтан солай істеді дейді.

Қалай болғанда да, бұл - кейбір отыруға қолайсыз жерлерде зәрді тұрып сындыра беруге рұқсат екендігін көрсетеді.