Құрметті Нұржан, ардақты Пайғамбарымыз (с.а.у.) өзінің асыл сөздерінің бірінде былай деген:

«Үш адамға үкім жүрмейді (күнә жазылмайды): Ұйқыдағы адамға, оянғанға шейін. Жас балаға, ер жеткенге шейін (балиғатқа толғанға дейін) және есі ауысқан адамға, айыққанға шейін»[1].  

Осыған орай, «Фәтәуә әл-Һиндия» атты Ханафи фиқһ кітабында мынадай үкім орын алған:

«Есі кірген болса да жас баланың талағы талақ емес. Сондай-ақ, жынданған адамның, ұйқыдағы адамның, психикалық ауруға шалдыққан адамның, естүссіз талып қалған адамның, қатты сасқаннан не айтып, не қойғанын білмей есі ауып қалған адамның да айтқан талағы – талақ боп саналмайды»[2]. 

Ендеше, ұйықтап жатып "талақ" немесе "развод" сөзін айтқан болсаңыз, әйеліңіз естісін, мейлі, естімесін оныңыз "талақ" боп саналмайды.