Уағалейкумуссәләм уә рахматуллаһи уә бәракәтуһ!

Құрметті сауал сұраушы, «әйел адамның өзінің некелі күйеуінің тегін алуы күпірлік» деп айту - қате. Қазіргі дін ғалымдары арасында әйелінің тегін алуға қатысты екі ұдай тоқтам бар. Бірақ, ешбірі ондай әрекетті «күпірлікке» байламаған. Әріберіденсоң, оны «күпірлікке» балау сүнниттік бағытқа теріс.  

• Күйеуінің тегін (фамилиясын) алуды кей дін ғалымдары «күнә» деп санайды, өйткені ол да өзіне бөтен адамды әке санап, өзін соның ұрпағына телу болып табылады, ал ол хадисте тыйым салынған дейді олар¹.
• Кей ғалымдар болса: «бұл - әдет-ғұрыпта бар үрдіс, оған шынайы мағынада тегін танымай кетпейді" деген уәж айтқан. Оның үстіне, күйеуінің тегін алу, кей ғұрыпта таныту мақсатында жасалады, ол да: «пеләншенің қызы түгеншенің отбасына келін боп барыпты» деген секілді. Сондықтан да, күйеуінің тегін алудың әбестігі жоқ деп есептейді. Әрідесе, мұнда әкесінің емес, фамилиясы өзгереді, сондықтан да, хадистегі тыйымның астарындағы мәніне қайшы емес деуге болады. 

Қорыта айтқанда, абзалы - әйел кісінің өз тегінде қалғаны, алайда күйеуінің тегін (фамилиясын) алушының әрекетін де "харам" деу күмәнді, ал оны "күпірлікке" балау - негізсіз. Аллаһу аъләм. Әлхамдулилләһи Раббиль аләмин!