Ассаламуғалейкум! Біздің үйде жандылардың суреттері бар. Мәселен, кеселерде, кітаптарда, терезе жуатын т.б. заттар көп. Ол заттардың жауып қою керек пе? Ата-анама айтқанмын ондай болмайды деп, бірақ... Жанды заттың суреті бар үйге рахмет періштесі кірмейді дейді, не істесе болады? Еламан.
|
Үйдегі тұрмыстық құрал-жабдықтардағы суреттерге де періштелер кірмей ме?
|
Уағалейкумуссәләм уә рахматуллаһи уә бәракәтуһ!
"Қадірсіз етіп көрсететін жерлердегі суреттер - періштенің кіруіне кедергі келтірмейді" делінген кітаптарда. Мәселен Ханафи ғалымы Ибн Ғабидин бұл мәселені талқылай келе: "Сурет, егер төселген төсеніште орын алса, қадірсіз болады, сол себепті періштелердің үйге кіруіне кедергі келтірмейді" дейді ол (р.а.)[1]. Өйткені, жерге төселген кілем не паласты аяқпен басамыз, ал жастықты жастанып жатамыз, не оған сүйенеміз, сол себепті ондағы суретті қадірсіз деп отыр.
Осыдан келіп, су сабын, ұнтақ (порошок), ыдыс жуғыш сабын, ыдыс-аяқ, жастық, төсеніш, жапқыш сияқты тұрмыстық заттардың сыртындағы суреттер періштелердің кіруіне кедергі емес деуге негіз бар. Себебі, мұндай заттардағы суреттер қадірсіз.
Бірақ, ондағы сурет намаз оқушының алдында тұрса, мәкруһ болатындығын қаперде ұстаған жөн.
[1] Ибн Ғабидин: Раддуль Мухтәр. 2/419 бет.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
■
Әртүрлі тақырыпқа қатысты үш сұрақ
