Түс жору кітаптарында айтылған мәліметтерге қарағанда, түсінде: 

• «Фатиха» сүресін оқығанын көру - жақсылықтың есігі ашылып, жамандық есігі жабылатындығын білдіреді.
• «Бақара» сүресін оқыған кісінің өмірі ұзақ, діндарлығы артады.
• «Кәһф» сүресін оқыса, амандықта болып, ұзақ жасайтындығы соншалықты, ақырында Аллаға қайтуды көксей бастайтындығына ишара.
• «Тәбәрак» сүресін оқығанын көрсе, мал-дүниесі артатындығын білдіреді.
• «Ықылас» сүресін оқығанын көрсе, сынаққа тап болады, бірақ абыройы артады және иманына селкеу түспейді. Кейбір болжаушылардың айтысына қарағанда, «Ықылас» сүресін түсінде оқығанын көрсе, ол ажалының жақындағандығына ишара екен. Мәліметтерге қарағанда, тәбиғин Саъид ибн Мүсәйяб (р.а.) деген ғалымға бір кісі түсінде ықылас сүресін оқығандығын айтады, сонда тәбиғин оған: «егер түсің рас болса, ажалың жақындаған екен» депті. Расында да, табиғин айтқандай болыпты.
• «Фәләқ» сүресін оқығанын көрсе, Алла тағала оны адамдар мен жындардың кесірінен қорғайды, сондай-ақ, дуашылар мен көреалмаушылардың жамандығын бертарап қылады.
• «Нас» сүресін оқығанын көрсе, бәле-жаладан аман болып, шайтанның әскерлеріне қарсы Алланың панасында болады (оған зияндары тимейді)¹. 

Ең дұрысы - Аллаға мәлім! Әлхамадулилләһи Раббиль аләмин! 

¹Ибн Сирин, «Тәфсируль ахләм».