Ассалаумағалейкум! Қалайсыз Абеке?Бір сұрақ бар. "Варенье" жапқан ғой, бірақ жақсы жабылмапты, ішінен өрмекші т.б. майда жәндіктер шыққан. Соны жей беруге бола ма, харам емес пе?
|
Құмырсқа мен өрмекші түсіп кеткен асты жеуге бола ма?
|
Уағалейкумуссәләм уә рахматуллаһи уә бәракәтуһ!
Құмырсқа мен өрмекшінің бойларында ағар қан жоқ, сол себепті де шариғат заңы бойынша таза, бірақ өздері жеуге жарамсыз. Бойында ағар қаны жоқ жәндіктер тамаққа, не, суға түскен болса, ол су, не, тамақ ластанбайды1. Сондықтан да, сауалдағы ас адал, ондағы шымалдар мен өрмекшілерді тазалап тастап, жей беруге болады. Сөзіміз дәлелді болу үшін мына бір риуаятты келтіре кетелік:
«Салман әл-Фәрисиден (р.а.) жеткен риуаятта Пайғамбарымыздан (с.а.у.) бір кісі: «Тамақ құйылған немесе су құйылған ыдысқа бойында ағар қаны жоқ жәндік түсіп кетсе, не болады» деп сұрайды. Сонда Алла елшісі (с.а.у.): «Ол тамақты жеуге немесе суды ішуге яки ол сумен дәрет алуға болады» деп жауап берді» дейді ардақты сахаба (р.а.)2.
1 Бұрһануддин ибн Мәзә: «әл-Мұхыйт Бұрһани». Тахарат бөлімі. (Араб тілінде).
2 Бұрһануддин ибн Мәзә: «әл-Мұхыйт Бұрһани». Тахарат бөлімі. (Араб тілінде).
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
