Тәспіні көліктің ішіне ілудің үкімі ниетіне қарай өзгереді:

1. Егер ниеті тәспіні киелі көріп, оны қорғайды деген ниетпен тақса, онысы дінге қайшы. Тәспі жай құрал, ешқандай қасиеттілігі, не, киелілігі жоқ зат. Құрмет көрсету басқа, киелі санау басқа. 
2. Егер ниеті жәй ғана сән үшін тағу болса, оның күнәсі де, сауабы да жоқ, мубах амал, яғни, рұқсат. Тәспіні сән үшін тағуды харам деуге шариғи дәлел жоқ. Алайда, мұнда да әсіре сілтеушіліктен сақтанған жөн. Тәспіні ілуге болады екен деп, мәшіненің ішін тәспімен көмкеріп тастаған да жарамайды. Бірді-екілі тәспіні іліп қоюдың зиян тұсы жоқ. 
3. Осы тұрғыда, жол қауіпсіздігі де маңызды. Ілген тәспіңіз жолды жақсы көруге кедергісін келтіріп жатса, оны ілмеген дұрыс болады. 

Аллаһу аъләм. Әлхамдулилләһи Раббиль аләмин!