Уағалейкумуссәләм уә рахматуллаһи уә бәракәтуһ!

Исламда энергетикалық сусындар құрамына қарай және денсаулыққа тигізер әсеріне қарай қарастырылады.

Біріншісі - құрамына харам заттар қосылған энергетикалық сусындардың үкімі – харам. Мысалы, желатин, спирт қосылған т.б. мұндай энергетикалық сусындарды ішуге болмайды.

Екіншісі – құрамында харам заттар болмаса да денсаулыққа зиян екендігі анықталған энергетикалық сусындар. Бұларды ішу харам не харамға жақын мәкруһ. Өйткені, қағида бойынша: «ад-Дарару юзәл! – Залал кетірілу керек!». Исламда адам өмірімен қатар денсаулығы да аманат. Ал залалды заттарды өз еркімен ішіп, денсаулығына зиян келтіру харам болмақ. Құранда: «Өз қолдарыңмен өздеріңді қатерге итермелемеңдер» - деп бұйырады¹.

Үшіншісі – зияны анықталмаған және құрамында харам заттар жоқ энергетикалық сусындар. Бұларды ішу – мубах, бірақ көп ішу - мәкруһ, яғни, тым әуестеніп ішпеген абзал деген сөз.

Қосымша Ханафи ғалымы Ибн Ғабидиннің айтқан мына екі ережені бере кетелік, бұл бізге бүгінгі тақырыбымызды аша түседі деген ойдамыз:

«Біріншісі - «Әр пайдалы нәрсенің үкімі – рұқсатқа байланған» деген қағида. Екіншісі – «Әр зиянды нәрсенің үкімі – харамға байланған» дейтін қағида»².