Құрметті сауал қоюшы, сахаба Әбу Саъид әл-Худриге тиесілі етілген аталмыш риуаяттың «жалған хадистер» қатарына жататындығын белді хадисші ғұламалар өздерінің хадис кітаптарында айтып кеткен. Мысалы, 12 ғасырда өмір сүрген Ханбали ғұламасы Әбуль Фәраж Ибн әл-Жәузий өзінің «әл-Мәудуъат» (жалған хадистер) атты еңбегінде аталмыш хадисті келтіре отырып соңында былай деп баға береді:

«Бұл хадис – Алла елшісінің (саллаллаһу алейһи уә сәлләм) атынан ойдан құрастырылған хадис. Риуаятшылар тізбегіндегі әл-Кәсәи деген кісі белгісіз адам. Ән-Нұқаш болса, сынға ұшыраған адам (немесе жазғырылған)» - дейді ғұлама[1].

Қорыта айтқанда: «Ережеп – Алланың айы, Шағбан – менің айым, Ал Рамазан – үмбетімнің айы» деген риуаят «сахих» емес, ойдан шығарылған жалған хадис.