- Дәрет алған адам дәретпен етік киіп, далаға шығып келгеннен соң, етікті шешіп, сол дәретпен мәсіні кисе, дәреті бұзылмай ма, әлде қайтадан дәрет алып мәсіні кие ме? 

Егер аяғын жуып, дәрет алғаннан кейін, сол аралықта дәрет бұзылатын жағдай орын алмаса, мәсісін кие берсе болады, өйткені дәрет алып, аяғын жуып киіп отыр. 

- Әйеліме маһрді ақшалай берсем бола ма? Оны қалай жаратса да өзі біле ме?

Келісілген мәһрді өзгертуді әйеліңізбен келісесіз. Әйеліңіз ақшалай беруге көнсе, ақшалай беруіңізге болады. Оны қалай жаратам десе де өз еркі. Өйткені мәһр әйелдің өз дүниесі. 

- Сапарда жүрген едім. Жұма намазын оқығанда тек парызын оқып, сүннетін оқымаймын ба?

Жолаушы кісі жұма намазына барған кезде, әдеттегідей сүннеттерімен қоса оқыса да күнәсі жоқ, қайта сауабы бар. Тек парызын ғана оқыса да күнә жоқ. Дегенмен, асығыс болмаса және мүмкіндік бар болып тұрса, сүннетін қалдырмай оқығаны жақсы.

islam.kz