Уағалейкум әссәләм, Ерасыл!

Қазақ тіліндегі «Құда» немесе «Құдай» сөздері негізінен алып қарағанда парсы тілінен енген. Екеуінің де мағынасы «Жаратушы Құдірет Иесі» дегенге саяды. Дәлірек айтқанда, «Құда» сөзі парсы тіліндегі «خدا-Худа (тәңір)» сөзінің, ал, «Құдай» - «خدای-Худай (тәңірім)»  сөзінің қазақша үлгісі.

Одан әрмен тереңдей түсер болсақ, қазақшадағы «Құда» да,  парысшадағы «Худа» да, араб тіліндегі «шариғат», «тура жол», «хидаят» деген ұғымдарға саятын «Һүдә-هُدى» сөзінен туындаған десек қателеспеспіз.

Демек, сонау ата-бабамыздан бері қолданылып келе жатқан «Құда қаласа» дейтін сөз тіркесі түптеп келгенде «Алла қаласа» дегенді білдіреді, «құда-жегжат қаласа» дегенді емес.

Ең дұрысы Аллаға мәлім!