Ассаламуалейкум! Осы қабір азабын жан-жануарлар естіді деген деген хадис бар ма? Кейде жылқыларды ауырып тұрса, дәреттерін жіберіп қояды. Қабірдегі дауыстан дейді. Осы сөз қаншалықты рас? Ринат.
|
Қабірде азап шегіп жатқандарды жан-жануарлар ести ме?
|
Уағалейкумуссәләм уә рахматуллаһи уә бәракәтуһ!
Жануарлар қабірдегілерді естиді. Оған байланысты бірнеше нақты хадистер бар. Мәселен, Табаранидің хадистер жинағында келтірілген риуаятта, Алла елшісінің (с.а.у.) былай дегендігі айтылған:
«"استعيذوا بالله من عذاب القبر، إنهم يعذبون في قبورهم عذاباً تسمعه البهائم" وصححه الألباني
«Қабір азабынан Аллаға сыйыныңдар! Шынында қабірдегілер қабірлерінде азапталады, оны жануарлар естиді»[1].
Тағы бір хадисте былай делінеді:
"إن الموتى ليعذبون في قبورهم، حتى إن البهائم لتسمع أصواتهم"
«Шынында өлген адамдар қабірлерінде азап шегеді, тіпті дауыстарын жан-жануарлар естиді»[2].
Ендеше, жындар мен адамдардан өзге жан-жануарлар қабірдегі азап шегушілердің дауыстарын естиді екен. Ал адамдар мен жындар естімейді. Осы тұрғыда айта кету керек: мархұмның бәрі қабірде азапталмайды, күнәдан барынша ұзақ жүрген мүмін-мұсылмандар қабірлерінде азап шекпейді, олардың қабірлері кең болып, нығметте күн кешіреді.
Алла Тағала барша мұсылмандарды қабір азабынан сақтасын! Уа ахиру даъуәнә әнильхамду лилләһи Раббиль аләмин!
Абдусамат Қасым
[1] Имам Ахмед: «Мүснәд»; Имам Табарани. Сахих Хадис.
[2] Имам Табарани, сахаба Абдулла ибн Мәсъудтан жеткен. Сахих хадис.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
