Хайыз кезінде болсын, жүніп кезінде болсын, телефон, планшет сияқты электронды құралдардағы Құранды аузын қимылдатпай, ойша оқуына болады. Мұнда ғұламалар арасында талас жоқ. Өйткені, ойша оқу – ол «қырағат» еткенге жатпайды.   

Хайыз кезінде «Фатиха» сүресін дұға ретінде оқуға бола ма?

Фатиха сүресі сияқты дұға мазмұндас аят не сүрелерді дұға ниетімен оқуға болады дейтін Ханафи ғалымдары бар. Бұған байланысты кейбір Ханафи кітаптарында былай делінген:

« «Фатиха» сүресін немесе дұға мағынасы бар басқа да аяттардан әлдебір аятты Құран оқу мақсатында емес, Дұға ретінде оқыса, оның ағаттығы жоқ»[1].