Әйелдің қынабынан жел шықса немесе т.б. сол сияқты нәрсе шықса дәрет бұзыла ма?
|
Әйелдерге байланысты сұрақ (дәрет)
|
Бисмилләһир рахманир рахим
Әйел кісілердің қынабынан шыққан жел дәретті бұза ма, дегенге қатысты Ханафи ғалымдарынан үш түрлі тұжырым жеткен:
1) Әйелдің қынабынан шыққан жел дәретті бұзбайды, бірақ дәрет жаңалаған абзалырақ, мұстахаб[1].
2) Әйелдің қынабынан шыққан жел дәретті бұзады, дәрет жаңалау уәжіп[2].
3) Әйелдің қынабы мен тік ішегі бірге орналасқан болып, қынаптан шыққан жел жағымсыз иісті болса, дәретті бұзады, олай болмаса бұзбайды[3].
Тоқ етерін айтқанда, көпшілік Ханафи ғалымдарының тоқтамы бойынша, әйел кісілердің қынабынан шыққан жел дәретті бұзбайды, ал бірақ қынап пен тік ішек жолдары бірге орналасқан әйелдерде мұндай жағдай орын алса, ол кезде дәретті жаңалаған мұстахаб болмақ, себебі желдің тік ішектен келген болуы мүмкін[4]. Сондай-ақ, ер адамдарының жыныс мүшесінен шыққан жел де дәретті бұзбайды.
[1] Алауддин әс-Сәмарқанди: «Тухфәтуль Фуқаһа». Бәбуль Хәдәс.
[2] Әл-Кәсәни: «Бәдәиъу» - бәяну мә юнқиду әл-Уду.
[3]Әл-Мәзә: «әл-Мұхитуль Бұрһәни» - Бәяну мә южибу әл-Уду.
[4] Әл-Мәрғинәни: «әл-Һидая» - нәуәқидуль Уду; Имам Сәрәхси: «әл-Мәбсут» - Бәбу әл-Уду уәл ғұсл.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
