Маңғыстау облысы аумағындағы Ащысор ойпаты Каспи теңізінен толтырылатын болады. Осы мақсатта жаңа рекреациялық аймақты құру туралы жұмыс басталып та кетті. Бұл жайында аталған облыстың сәулет және қала құрылысы басқармасының жетекшісі мәлім етті. «Маңғыстаудағы рекреациялық аймақ» жобасы бойынша Каспиден канал арқылы ойпатты теңіз суымен толтыру көзделуде. Бұл жасанды су қоймасының аумағы шамамен 300 шаршы метрді, ал тереңдігі 12 метрді құрайтын болады. Бұл жасанды су қоймасын туристер демалатын орынға айналдыру да жсопарланып отыр. Қазіргі уақытта аталмыш жобаның техникалық-экономикалық негіздемесі әзірленіп жатыр. Айта кетейік, тамыз айының 11-і күні Ақтау қаласында аталмыш жобаға байланысты жұрттың пікірі тыңдалды.