Ел тарихында тұңғыш рет өмір сүру ұзақтығы 75,97 жасқа жетті. Бұл туралы 24.kz Денсаулық сақтау министрлігіне сілтеме жассай отырып хабарлады.

30 жылда азаматтардың орташа өмір сүру ұзақтығы 8 жылға өсті. 1991 жылы бұл көрсеткіш 67,6 жас мөлшерінде болған еді.

Былтыр Қазақстан Дүниежүзілік денсаулық сақтау ұйымының Еуропалық өңірінде инфекциялық емес аурулардан болатын өлімді 25 пайызға төмендеткен елдердің алғашқы ондығына енді.

Денсаулық сақтауды дамытудың 2029 жылға дейінгі тұжырымдамасын іске асыру шеңберінде Қазақстан өмір сүру ұзақтығын 77 жасқа дейін арттыруға ниетті.