Түрік билігі Эстония аумағында құлшылық ордасын тұрғызуға ниет танытып отыр. Бұл жайында Таллин қаласына ресми іссапармен келген Түркия мемлекетінің Сыртқы істер министрі Мевлют Чавушоглу мәлімдеді.

«Егер эстондықтар өз келісімін берсе, біз Таллинге немесе басқа қалаға құлшылық ордасын салып беретін едік», – деп атап өтті ол. Эстондық министр Юрген Лигимен өткізген әңгіме барысында ол мұсылмандардың дәстүрлі исламды дәріптейтін орталығы сөзсіз болу қажеттігін айтып өтті. «Егер олай болмаған жағдайда, адамдарға түрлі теріс ағымдарықпал ете бастайды. Ал, радикализмге түбегейлі қарсымыз», – дейді түрік министрі.