Гүлмен көмкерілген үй қабырғалары (фото)

Көктем жылуымен қоса сұлулығымен келетін мезгіл. Испанияның Кордоба қаласында жыл сайын осы мезгілді мадақтап «Гүлдер шайқасы» атты гүл фестивалін ұйымдастырады. Тұрғындар су бұрқақтары мен үйдің қабырғасын, алаңын ыдысқа отырғызылған гүлдермен безендіреді. Ол жерден іздеген кез келген гүліңізді таба аласыз. Мәселен ақгүл (жасмин), қазтамақ (герань),қалампыр секілді көптеген гүл түрлері бар. Фестиваль мамыр айында өткізіледі және шамамен екі аптаға созылады. Бұл фестивальге туристер де гүл әкеліп жатады. Себебі мұндай сұлулық алдында ешкім де төзіп тұра алмайды.