Оңтүстік Калифорния университеті ғалымдарының таяуда жүргізген зерттеу нәтижесі үш күндік оразаның өзі иммундық жүйені қалпына келтіріп қоймай, сонымен қатар, нығайтатынын көрсетіп берді. Америкалық ғалымдардың алға тартқан тұжырымы бойынша ораза адам организмінің улы әрі зақымдалған жасушалардан арылуға мүмкіндік береді. Осылайша иммундық жүйе түрлі вирустардың шабуылына лайықты деңгейде тойтарыс береді. Геронтология профессоры Вальтер Лонго иммундық жүйенің қалпына келуі үшін ораза ұстаған адамға 3 күн кететінін жеткізді. Ал Чикаго жоғарғы оқу орнының ғалымдары ең ұтымды ораза деп – 16 сағат бойы ауыз бекітіп, 8 сағат әл жинап алуды айтып отыр. Бұл жайында islamnews.ru ақпарат көзі хабарлады.