Жаңа фотоникалық чип дизайны секундына 1,84 петабит деректер жылдамдығы бойынша әлемдік рекордқа орнатты. Бұл  жайында islam.kz порталы аталмыш зерттеу материалы жарияланған Nature Photonics мерзімді басылымына сілтеме жасай отырып мәлім етеді. Бір жарық көзінен және оптикалық чиптің көмегімен деректерді беру жылдамдығы рекорды тағы жаңарды. Инженерлер деректерді секундына 1,84 петабитпен (Pbps) тасымалдады, бұл көрсеткіш секундқа шаққанда ғаламдық интернет-трафиктен екі есе дерлік жоғары. 1,84 Рбит/с жылдамдығын жете бағалау қиын, яғни, елестетудің өзі қиын. Сіздің үйдегі интернет секундына бірнеше жүз мегабит алуы мүмкін немесе ары кетсе 1 гигабит, тіпті, 10 гигабит байланыс болуы мүмкін. Ал 1 петабит миллион гигабитті құрайды. Бұл NASA сияқты ұйымдар пайдаланатын ESnet6-ға қарағанда 20 есе жылдамырақ. Бұдан да таңқаларлығы - бұл жаңа жылдамдық рекорды бір жарық көзімен және бір оптикалық чиптің көмегімен орнатылды. Инфрақызыл лазер жарықты жүздеген түрлі жиіліктерге немесе түстерге бөлетін жиілік тарағы. деп аталатын чипке бағытталған. Содан кейін деректерді бір сәулеге біріктіріп, оны оптикалық талшық арқылы жібермес бұрын осы жиіліктердің әрқайсысының амплитудасын, фазасын және поляризациясын модулдеу арқылы жарыққа кодтауға болады. Бұл бағыттағы тәжірибеде Дания Техникалық Университетінің (DTU) және Чалмерс технологиялық жоғарғы оқу орнының ғалымдары 37 жеке ядросы бар 7,9 шақырым оптикалық талшық арқылы толқын ұзындығы 223 арнада кодталған 1,84 Рбит/с жылдамдықпен деректерді жіберуге арналған қондырғыны пайдаланды. Анықтама үшін ғаламдық интернет өткізу қабілеттілігі небәрі 1 Рбит/с деп бағаланады, яғни, аталмыш өсу мүмкіндігі жоғары жүйе жоғары әлеуетпен бір уақытта барлығын өңдей алады. Бұл деректер жылдамдығы 2022 жылдың мамыр айында ғана орнатылған 1,02 Рбит/с-тегі бұрынғы рекордтан айтарлықтай асып түседі. Жаңа зерттеуде пайдаланылғанға ұқсас алдыңғы оптикалық чип дизайны 2020 жылдың орта шенінде секундына 44 терабит өткізу қабілетін көрсеткен еді. Ғалымдардың айтуынша, жаңа чиптің мүмкіндігі бұл көрсеткіштен де жоғары. Аталмыш жүйенің деректерді жеткізу әлеуетінің қаншалықты ауқымды екеніне көз жеткізу үшін есептеу моделін пайдалана отырып, зерттеушілер оның түбінде 100 Рбит/с-қа дейін жылдамдыққа жетуі мүмкін екенін алға тартып отыр. «Мұның себебі - біздің шешіміміз бірнеше жиіліктерді құру тұрғысынан да, жиілік тарағын бірнеше кеңістіктік көшірмелерге бөлу тұрғысынан да, содан кейін оларды оптикалық түрде күшейту және біз деректерді жібере алатын параллелді көздер ретінде пайдалану тұрғысынан ауқымды болып табылады. Тарақ көшірмелерін күшейту керек болғанымен, біз спектрлік тиімді деректерді беру үшін қолданатын тарақтың сапасын жоғалтпаймыз», - деді зерттеудің жетекші авторы, профессор Лейф Катсуо Оксенлеве.

Ұқсас материалдар:

«Жаңа буынды фотоникалық чиптері» үшін өнімділігі жоғары толқын жетектері жасалды»  (https://islam.kz/kk/news/gylym/jana-buyndy-fotonikalyq-chipteri-ushin-onimdiligi-jogary-tolqyn-jetekteri-jasaldy-17318/#gsc.tab=0);

«Ғалымдар ақпаратты жеткізу жылдамдығын лазердің көмегімен 10 мың есеге арттырды» (https://islam.kz/kk/news/gylym/galymdar-aqparatty-jetkizu-jyldamdygyn-lazerdin-komegimen-10-myn-esege-arttyrdy-14863/#gsc.tab=0);

«Бөгде біреу бұзып кірмек болғанда ақпаратты өздігінен жоятын чип жасалды» (https://islam.kz/kk/news/gylym/bogde-bireu-buzyp-kirmek-bolganda-aqparatty-ozdiginen-joyatyn-chip-jasaldy-video-14177/#gsc.tab=0);

«Алғаш рет нейроморфты чип жасалды» (https://islam.kz/kk/news/gylym/algash-ret-neiromorfty-chip-jasaldy-15586/#gsc.tab=0);

"Пластиктен микрочип жасалды" (https://islam.kz/kk/news/arturli/plastikten-mikrochip-jasaldy-15530/#gsc.tab=0);

«Қытай микрочипінің әскери қуаты» (https://www.islam.kz/kk/news/alem/qytai-mikrochipinin-askeri-quaty-13332/#gsc.tab=0);

«Қытай дамуының жаңа "платформасы"» (http://islam.kz/kk/news/alem/qytai-damuynyn-jana-platformasy-11484/#gsc.tab=0)