Жасуша ішіндегі ақуыздарға фармакологиялық әсердің жаңа әдісі организмді энергия өндіру үшін жинақталған майды жұмсауға мәжбүрлеп, метаболизмді, яғни, организмнің зат алмасу процесін жеделдетуге мүмкіндік береді. Бұл туралы Islam.kz порталы  The EMBO Journal мерзімді басылымында жарияланған зерттеу материалына сілтеме жасай отырып хабарлайды. Испаниядағы ұлттық кардиоваскулярлық зерттеу орталығы мен Лос-Анжелестегі Калифорния университетінің биологтары организмнің энергетикалық резервтерін басқарудың іргелі тетігін анықтады. Бұл процесте жылу мен энергия өндіруге жауап беретін жасушалық органеллалар - митохондриялар басты рөл атқарады. Қоңыр май тінінде осы құрылымдардың бір бөлігі липидті тамшыларға нақты бекітіледі, онда жасушалар май қорын сақтайды. Зерттеу авторлары митохондриялар ішіндегі кальций деңгейі майдың ыдырауының басталуының белгісі екендігін анықтады. Кальций концентрациясы (шоғырлану деңгейі) өскен кезде органеллалар пішінін өзгертеді және липидті тамшылардан ажыратылады. Бұл ажырату молекулалық қосқыш ретінде жұмыс істейді, ол арнайы ферменттерге олардың энергияға айналуы үшін май қорларына тікелей қол жеткізуге мүмкіндік береді. Ғалымдар митохондриялардан кальций шығаратын, олардың май тамшыларымен байланысын сақтайтын және майдың отын ретінде жұмсалуын тежейтін NCLX ақуызын анықтады. Сонымен қатар, биологтар бұл жүйені кальций деңгейін өзгерту арқылы жанама реттейтін PDE2A ферментін зерттеді. Артық салмақтан зардап шегетін жануар моделдеріне жасалған тәжірибе аясында зерттеушілер осы ферменттің жұмысына жасанды түрде бөгет жасады. Мұндай әдіс сынақтағы кеміргіштердің метаболикалық балансын өзгертті, олардың организмі липидтердің ыдырауын азайтып, глюкозаны пайдалануға көшті. Нәтижесінде жануарлар организімінде жалпы калория шығыны едәуір ұлғайды және энергетикалық тепе-теңдік көрсеткіші жақсарды. Бұл сигнал жолынаа қатысты жаңалық семіздікке қарсы тиімді дәрілерді жасаудың жаңа бағытын ашады.