Ғалымдар сұйықтықты жүзетін жекелеген атомдардың бейнесіне қол жеткізу үшін графеннен титтей капсула жасады. Бұл жайында islam.kz порталы аталмыш зерттеу материалы жарияланған Nature мерзімді басылымына сілтеме жасай отырып мәлім етеді. Бұл тарапта ғалымдар жекелеген атомдарды визуалдау (көру) үшін жарық шашатын электронды микроскопты пайдаланды. Бұл технология объектілерді атомдық масштабта визуализациялау үшін қолданылған алғашқы технология емес, алайда, бақылау үшін вакуум қажет. Міне, осыған байланысты физиктер вакуум әсерінен болатын бұрмалануды болдырмау үшін жабық графен капсулаларды пайдаланды. Сұйықтар мен қатты заттардың өзара әрекеттесуін бақылау үшін ғалымдар екі қоршаған графен терезесінен алтыбұрышты бор нитриді аралықтарымен бөлінген орталық молибден дисульфидінің моноқабатынан тұратын қос графен сұйық жасушасын пайдаланды. Бұл дизайнды қолдана отырып, олар тұзды ерітіндідегі платина адатомдарының қозғалысын бақылай алды. Бейнедегі атомдардың қозғалысын талдап, оларды теориялық есептермен салыстыра отырып, зерттеушілер сұйықтықтың атомдардың әрекетіне әсерін зерделеді. Олар сұйықтықтың атомдардың қозғалысын жеделдететінін, сонымен қатар, олардың астындағы қатты затқа қатысты тыным табатын қолайлы демалыс орындарын өзгертетінін анықтады. Зерттеушілер қатты беттің сұйықтықпен жанасқанда, екі заттың бір-біріне жақындығына жауап ретінде олардың конфигурациясын өзгертетінін түсіндіреді. Қатты-сұйықтық интерфейстеріндегі мұндай атомдық масштабтағы өзара әрекеттесу батареялар мен отын элементтерінде таза электр энергиясын өндіруде пайдаланылады, таза су өндіру тиімділігін анықтайды және көптеген биологиялық процестердің негізін құрайды.

Бейне: The University of Manchester